كلمات اغنية كلنا ايد واحدة - مروة ناجي وموسى - منوعات

منوعات

كلمات اغنية كلنا ايد واحدة - مروة ناجي وموسى منوعات مكتوبة

إهداء من وزارة الداخلية بمناسبة احتفالات نصر أكتوبر 2015
غناء موسى ومروة ناجي

كلنا ايد واحدة وفي ضهرك ومعاكي يا مصر
قسما بالله عمرنا ما هنرجع غير بالنصر
لو راح مليون واحد خاين م اللي عادوكي
والله ما يسوى ولا يساوي جندي من مصر

كلنا ايد واحدة وشعبك دايما وقت الجد
قدها وقدود لا بيرجع ولا بيخاف من حد
واللي اتجرأ على اسمك او فكر تفكير
هيشوف الويل وولادك هيوروه الرد

كلنا ايد واحدة يا بلدي وكلنا متفقين
الضربة بألف هتترد لكل الخاينين
وعشان كلنا طول عمرنا واحد مهما يكون
أهلك في رباط يا كبيرة لغاية يوم الدين

قد الدنيا ومعمولك دايما ألف حساب
في غيابك أو في حضورك اسمك عمره ما غاب
دي سحابة صيف هتعدي يا مصر يا أرض الخير
واحنا اللي بايدنا هنقطعلك ايد الارهاب

طول عمرك قد الدنيا وشمسك مش بتغيب
بابك مفتوح للكل يا مصر قريب وغريب
لكن وحياة دم الشهدا وكل اللي اتصابوا
العين بالعين في ولادك ظنك مش هيخيب

كلنا ايد واحدة وعلشانك هنموت راضيين
واللي على حدودك بترابك متوضيين
النصر يا مصر يا اما هنستشهد بكرامة
والشبر في أرضك بحياتنا وده وعد ودين

شعب وشرطة وجيش مصر احنا نموت وتعيش مصر
ولو احنا مانحميش مصر مين اللي هيحميها
اللي شرب من نيل مصر وقت الشدة يشيل مصر
ومينكرش جميل مصر وبعمره هيفديها

من كلمات: احمد غريب
ألحان: شريف حمدان
توزيع موسيقي: باسم منير