كلمات اغنية كيف بحبك هيك - أدهم نابلسي

كلمات اغنية كيف بحبك هيك أدهم نابلسي مكتوبة

كيف بحبك هيك
وبعذب حالي وبرجع بسأل من أول وجديد
كيف بخاف عليك
واللي معذبني ومخوفني انك صرت بعيد

ليش من اﻷساس تنهي حكاية بأول عمرا
شو بحكي للناس شو بعمل بهالوردة الحمرا
قاسي هالاحساس واﻷصعب انك ما تحسه بالمرة

بشكر الله ع هالفرصة ولو كنت بحياتي غلطة
ما في انكر أو انسى لحظة عشناها سوا
هيدي نعمة من السما اني عرفتك انا
يللي وجودك بحياتي هو السم وهو الدوا

شفتك اتغيرت
ما سألت تركتك تاخد وقتك، معقولة تعبان؟
لكن ما اتوقعت
شوفك عم تكبر وتتغير لتاني انسان

يمكن بدي اياك وانت منك عارف شو بدك
رح جرب إنساك عوّد ايدي ما تلمس خدك
اتحمل جفاك ﻷنه احساسي ما بيوقف عندك

بشكر الله ع هالفرصة ولو كنت بحياتي غلطة
ما فيي انكر أو انسى لحظة عشناها سوا
هيدي نعمة من السما اني عرفتك انا
يللي وجودك بحياتي هو السم وهو الدوا

من كلمات: طارق الزين
ألحان: رامي الشافعي
توزيع موسيقي: عمر صباغ