كلمات اغنية لما النسيم - محمد منير

كلمات اغنية لما النسيم محمد منير مكتوبة

لما النسيم بيعدي بين شعرك حبيبتي
بسمعه بيقول آهات
وعطورك الهادية الدايبة فيكي
كل ماتلمسك بتقول آهات
عايزاني ليه لما تقوليلي بعشقك
مصرخش واملا الكون آهات

يا نجمة كل ما ضيها يلمس حجر
يعلي ويتحول قمر
بكتب حروف اسمك بحبات الندى
على كل أوراق الشجر

مين اللي يقدر يعشقك ادي أنا!
مين اللي يقدر يوصفك زيي أنا!

يا حلم نفسي تحلمه كل القلوب
يا أعلى إحساس شدني خلاني ادوب
خلاني احس اني بشر
عايزاني ليه لما تقوليلي بعشقك
مصرخش واملا الكون آهات

من ألبوم: انا قلبي مساكن شعبية 2001