كلمات اغنية تمتع - شمه حمدان

كلمات اغنية تمتع شمه حمدان مكتوبة

مافيه غيرك انشغل فيه بالي
لا والذي سوى عيونك وابدع
حيّاك ادخل وسط قلبي يا غالي
ودامك في قلبي يا حبيبي تمتّع

خايف أغمّض ما أشوفك قبالي
والعين من احساس هالخوف تدمع
عطني همومك يا سبب انشغالي
وانته في قلبي يا حبيبي تربّع

هذي بداية حب والعشق تالي
ياللي خفوقي في غرامك تولّع
ما اهتم في غيرك ولا صرت أبالي
جنّنتني والعقل بالحب ما ينفع

الحب لك في واقعي وفي خيالي
وقلبي أناني فيك وبالزود يطمع
لا تقول طوّلنا وتعد الليالي
اللي يحب مهما عطيته ما يشبع

ان قلت اسمي قلت يا ويل حالي
في صوت عالي عيد لنّي ما أسمع
حبّيت اسمي يوم قلته يا غالي
دخلت قلبي ومنّه ما راح تطلع

القلب بيتك واصلاً البيت خالي
سوّه على كيفك وذوقك تمتّع
اسمي حبيبك وانته اسمك حلالي
إي والذي سوى عيونك وابدع

من كلمات: أحمد الصانع
ألحان: شمه حمدان
توزيع موسيقي: موس