كلمات اغنية كذب من قال - شمه حمدان

كلمات اغنية كذب من قال شمه حمدان مكتوبة

كِذَب من قال ما احبك وفيني ما أظنّه حس
كأنه حبنا جيشٍ كبير وحضرته جاسوس

حبيبي طالبك لقّن عذولي وحاسديني درس
أبي ترجع وتقراني من عيوني بلا قاموس

يا غالي وش تبي أكثر يا سادس هالحواس الخمس
فراقك حلم أزعجني ويجيني دوم هالكابوس

غيابك ليل يا وجه القمر ولا يا طهر الشمس
سواد وظلمة عيّى يفيد ويضوي الفانوس

تخيّل إنت ماتدري عن احوالي من اوّل أمس
وصار الشوق مثل الموس وأبلَع من غلاك الموس

كِسرْني البُعد واشواقي رغم انّي عزيز النفس
وصارت شوفتك حاجه تداوي قلبي المهووس

أحبك بس أحبك بس والله أحبك بس
وحبي كالوتد ثابت، في داخل خافقي مغروس

صِدَق من قال أنا احبك وإللي قال فيني حَس
واللي يقول ما احبك حبيبي يُعتَبر جاسوس

من كلمات: أحمد الصانع
ألحان: شمه حمدان
توزيع موسيقي: MOSS