كلمات اغنية نبتدي منين الحكاية - عبد الحليم حافظ

كلمات اغنية نبتدي منين الحكاية عبد الحليم حافظ مكتوبة

لو حكينا يا حبيبي نبتدي منين الحكاية؟
احنا قصة حبنا ليها أكتر من بداية
عشنا فيها ياما عشنا، شوفنا فيها ياما شوفنا
لكن مشينا وكملنا، مشوار الحب ووصلنا
والدنيا ما قدرت تعاندنا، وتفرق بينا وتبعدنا

تعالى تعالى نقول لغيرنا، أنا وانت ازاي قدرنا
نبعد عن أي عذاب ونعيش على طول أحباب
نحضن فرحتنا سوا ونخلي الحب شباب

وقابلنا أنا وانت في مشوارنا حاجات كتير جرحت غيرنا
الغيرة وظنونها واللي بيجرى منها
في يوم ما قربت منا بعدها حبنا عنها
وقابلنا الحاسدين وشافونا ولا هانش عليهم يفوتونا
وقالوا علينا قالوا ياما قالوا وهوانا ولا اتغير حاله

وتسافر وأسافر وأيام يطول السفر
وقلوبنا بتتقابل مع كل طلعة قمر
وان جت خطوتنا تغربنا حلاوة الشوق بتقربنا
ومنين يجينا الخصام؟ ومنين يجينا البعاد؟
واحنا بين قلوبنا كل لحظة ميعاد

تعالى تعالى نقول لغيرنا، أنا وانت ازاي قدرنا
نبعد عن أي عذاب ونعيش على طول أحباب
نحضن فرحتنا سوا ونخلي الحب شباب

وفي لحظة وقفنا وابتدا خوفنا
ولقينا حوالينا الدنيا ضباب وليل وقلب جريح
زي أوراق الشجر وقت الخريف رماها الريح
سألنا روحنا ليه أكبر من حبنا ايه؟
لكن مطالش الخوف بينا وعرفنا وشفنا وحسينا

أنت شايف الحب كله عيون وهمس لكن أنا شايف
أحلى كلام عشاق يا حبيبي هو كلام الشفايف
انت وانت جنبي في كل ميعاد بيجمعنا بتروح بعيد ويّا التنهيد
وأنا بشوف لقانا هو اثنين سوا دايبين في لمسة ايد

بتقولي بخاف نمشي ونبعد دا الهوى جبار يلعب بينا
خايف من ايه؟ في أجمل إيه من حضن يدفينا
بتقولي شوف القمر ويايا شوف القمر
اللي كل العاشقين سهروا الليالي ليه
حلو القمر حلو
بس أحلى من القمر لو نخلي عمرنا يوم ندوق الحب فيه
واتبدد خوفنا من بعد وقوفنا وبدقة قلوبنا عرفنا ايه الدوا
وعشنا الحب خيال وحقيقة سوا

من كلمات: محمد حمزة
ألحان: محمد عبد الوهاب